Chegou o momento de descansar, despois dun ano cheo de traballo na ANPA do Veleiro.
Cada ano intentamos buscar e poñer á disposición das familias todos os recursos que podemos.
Este ano, alén das actividades que víñamos ofrecendo (extraescolares, charlas, festas, excursións…) sentímonos moi orgullosas por ter conseguido as subvencións de Corresponsabilidade e de Promoción da Igualdade, da Xunta de Galicia, xa que nos permiten ampliar as opcións de conciliación que ofrece o noso concello (no caso da primeira) e de formación para familias (no caso da segunda).
O programa CORRESPONSABLES permítenos ofrecer campamentos nos períodos de verán nos que o concello non ofrece, e tamén nos vai permitir ofrecer servizo de conciliación polas tardes durante o primeiro trimestre do próximo curso 25-26. Son pequenos pasos, mais para nós moi importantes xa que en só dous anos conseguimos pór en marcha moitos servizos.
Todo isto é grazas a vós, FAMILIAS SOCIAS, que facedes posible todo isto co voso apoio. Todos estes logros son VOSOS.
E, como no curso pasado, no primeiro trimestre do 25-26 os vosos peques poderán volver desfrutar das saídas co programa DA ESCOLA Á GRANXA; continuaremos a ofrecer obradoiros e charlas para elxs mais tamén para nós, xs adultxs. E continuaremos coas bolsas de lecturas viaxeiras.
FELIZ VERÁN, FAMILIAS!
Deixa unha resposta